練馬師李易達已連續兩季成績不達標，未來17年他屆65歲退休年齡之前，如任何一季再贏唔夠數，就會失去牌照出局。所以唯一可以做，就係加倍努力，訓練好啲馬，力求馬房起死回生。而李易達亦開始有所行動，今朝(11日)黎海榮為李廐操「金叻星」、「駕聖」兩駒時，出試前後都見李易達在旁傍實，高度緊張。在空檔之際李易達又捉住黎海榮，一邊扯煙一邊傾個不停，絕對無懶懶閒。其中「駕聖」7月1日轉李廐初出跑泥地1200米，只輸三位半走勢不差，今季能早復課是好現象，勢成李易達搶攻之籌碼。