黑人諧星Kevin Hart去年再婚，迎娶Eniko Parrish，現時Eniko正懷有身孕，預產期係下月，個點知Kevin喺呢個時候被爆偷食，佢即刻拍影片同老婆道歉。

Kevin喺Instagram公開影片向太太同兩個小朋友道歉：「我太太與孩子道歉，我會做得更好，我並不完美，也從來沒有宣稱我是，我愛你們。」佢喺影片承認做咗個錯嘅決定，傷害到身邊嘅人，但佢冇講明係咩事，最後話：「對我犯的過錯，我沒有任何藉口。事到如今，我只得做得更好。但我不允許任何人從我的錯誤中獲利。我要向妻子和孩子獻上無限的歉意。」

據美國娛樂網站TMZ網站報道，據指Kevin被拍下同一名女子嘅幾條片段，唔係性愛影片，其中一條見到Kevin被拍到喺夜店調情，另一條就應該係做緊前戲，但見唔清楚Kevin。據指有人趁機向Kevin勒索，Kevin不甘被勒索，決定公開認錯，而Kevin發言人亦證實消息，但指警方已介入調查，所以唔可以講太多。

其實Kevin Hart月前被拍到同Monique Gonzalez從從甚密，外界將矛頭指向佢，不過Monique喺社交網站留言話：「總有會真相大白。」似乎係否認外界嘅指責。