疑似藝人淫照事件發生至今已超過兩星期，受牽連的多位當事人一直龜縮，暫時只有鍾欣桐（阿嬌）於大前日出來發表「很天真很儍」的剖白。男主角陳冠希（Edison）雖然曾自拍過長約1分多鐘的道歉短片，但至今仍躲在美國，有消息指他最快本周末會返港作交代。

「全面停工」

日前網上流傳疑似Edison現任女友楊永晴（Vincy）的出浴裸照，Vincy的堂姊夫張堅庭力撐她是家人眼中的乖乖女，又建議Edison要盡快返港向公眾致歉。阿庭一向口才了得，曾為角逐特首的候選人梁家傑擔任幕後軍師，教他如何面對傳媒，問到Edison若要平息風波，阿庭可有甚麼建議時，他昨日在電話中說：「佢真係要盡快現身交代，一定要用誠懇態度面對公眾，道歉完仲要向大家作90度鞠躬1分鐘，然後要宣佈全面停頓手頭所有工作，替自己贖罪，洗番亁淨個底。」
張堅庭續說：「因為淫照事件已經變成社會問題，對年輕人嘅道德觀造成好大影響，所以Edison停工期間，佢要去學校做番tour，向學生宣揚番正面訊息，同埋講解自己嘅心路歷程，雖然佢係拍攝者，不過佢都係受害人。」
採訪：比華利