本欄周二推介隻星美（198），股價今日最高見1.2元，冇錯，之後係打回原形。不過，內地今日傳出，「中國版Google」百度將入股星美，之後星美更會改名做「百度星美」；另外更有傳兩公司，將會喺明日，於北京召開聯合發佈會，之後改名程序或會啟動。如果係真的話，呢兩日忍唔住俾佢震走嘅朋友，就真係你諗你啦。事實上，近期好多隻股都非常古惑，要有捱價嘅心理準備，只要訂好止蝕位，就唔好怕咁多。

是日推介亞洲能源物流（351），原因好簡單，全因佢個第二大股東來頭唔簡單。亞洲能源物流於2010年，透過業務的收購，成功更引入了保利協鑫（03800）及協鑫新能源（00451）大股東朱共山入股，成為公司的第二大股東，現在持有公司8.47%股權。

朱共山財技絕對唔可以睇少，保利協鑫（3800）及協鑫新能源（451）過去曾出現多過升浪。至於亞洲能源物流，自佢入股後根本冇表現過大時代。朱共山每股成本價0.16元，噚日收市升7.9%後都只係0.151元，仲平過佢來價，咁你驚咩？

睇埋股價走勢，股價0.1元築底後炒上，最高見0.155元，經整回後呢兩日再行過。近日毫子股旺場，呢個時候要破可算係算容易，只要衝破上次高位，正式走入上升軌道，到時就真係快活過神仙。