【未去度蜜月】結婚冇通知「少婦聯盟」 沈卓盈戴婚戒:事後同佢哋再慶祝
少婦聯盟布吉沈卓盈結婚Calvin
34歲沈卓盈和從事內衣生意的男友Calvin拍拖三年,昨晚宣佈婚訊,同時貼出早前攝於英國、法國的浪漫婚照,旋即被《蘋果》踢爆她於2月在布吉秘婚,她今日身穿背心及運動褲出席活動,左手無名指戴上法國珠寶品牌的對戒,被爆已婚後首次見傳媒,春風滿面,未知是否太開心,她在拍攝時險些仆倒。
問到她是否閃婚?沈卓盈甜笑說:「唔係閃婚,只係想趁住白色情人節,先同大家分享呢個好消息,帶個驚喜畀大家,我喺2月16號喺布吉完成婚禮,成個儀式都喺當地舉行。」她為穿性感婚紗,努力keep fit,她說:「一生人一次結婚相,想以最佳狀態去影,係一個好好回憶。」
沈卓盈稱婚禮上感動落淚:「由行禮音樂奏起,媽咪拖我進場,已經好緊張,老公比我早喊,到我讀結婚誓詞時,我都忍唔住,暫時想唞吓先,未決定會唔會喺香港擺酒,放一個假,因為安排婚禮都好複雜。」她稱未去度蜜月,暫時努力工作,生B則隨緣,她續道:「自己走咗出嚟,目前有新工作新發展,要尋找新方向,近日接到電影casting,以工作為先。」
對於「少婦聯盟」龔嘉欣、陳凱琳及譚凱琪沒份做姊妹,是否知道婚事,沈卓盈說:「其實得屋企人同兄弟姊妹知,事後同佢哋再慶祝,相信佢哋都明白,身邊好多親友都未知,趁今日一次過交代。」
-------------------------
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
-------------------------
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
沈卓盈今日身穿背心及運動褲出席活動(左圖攝影:陳慧安)