近年轉行做Chef LeMon嘅謝霆鋒，喺今年年頭於叱咤頒獎禮上嚟演出，已經令唔少樂迷叫佢復出，再加上佢今年陸續推出新歌，令啲fans都等Chef LeMon改變主意，唔好揸鑊鏟，揸番咪同結他，早前更盛傳佢會喺紅館開騷，仲搞到同佢個好兄弟陳奕迅撞期（新聞連結： https://bit.ly/2Scltpm ）。

不嬲鍾意低調行事嘅霆鋒原來已經靜靜地準備開騷，不過佢唔係揀紅館開，反而係同商台合作，落實於明年3月17日，假亞洲國際博覽館的露天廣場舉行「霹靂903歌托邦謝霆鋒烈日當歌」音樂會！由於呢個音樂會嘅門票不作公開發售，所以fans們撲飛，惟有等主辦單位公佈詳情。

而喺主辦商嘅facebook度，已經貼咗霆鋒張宣傳照，佢一身rock味全黑打扮，坐喺草地抬頭望上空，chok得嚟又有啲大自然清新feel，唔知今次佢會玩咩呢？

精選娛聞，喺晒《娛果》
http://fb.com/appledailyent