袁彌明（Erica）今日喺太古城為佢創辦嘅「彌明生活百貨」主持開幕儀式，佢透露呢間係第七間分店，總投資額接近7位數字，提到佢早前遞交創業板上市申請，Erica話：「o依家等緊港交所答覆。」好多人因為租金太貴，只做網上生意，唔敢開門市，反而佢就越開越多，Erica表示：「o依家大把舖位畀我揀，我哋建立品牌，啲人覺得好，就唔怕冇生意，2015年都有9000萬嘅生意額，仲有增長空間。」

問佢想唔想打入大陸市場？佢話：「未有計劃，因為大陸迫我哋嘅產品要做動物測試先可以入口，我覺得好殘忍，我哋產品係天然為主，唔使做動物測試。」放棄大陸市場？Erica就話大陸將來可能會放寬呢，但都要睇未來嘅政策係點先。