唔少人放工後第一時間愛回家，享受家庭樂，而每逢家庭聚會，唔少人亦會影低靚相，留住溫馨時刻。估唔估到呢啲相，可以有機會贏到獎？

民政事務局同家庭議會舉辦「一家心照」運動，比賽分為社區與樂趣及體育與運動兩個組別，參賽者可以提交一張喺香港影嘅家庭相，呢張相要表達到家庭成員一齊參加社區活動或者體育運動（即係兩組別主題），以促進溝通兼互相十卜，兼喺社區宣揚關愛家庭文化，參賽者只可揀選一個組別交相。成功交相兼like咗家庭議會Facebook專頁，可以獲得Chocolate Rain設計嘅家庭遊戲「齊齊返屋棋」。

入圍嘅作品經公眾投票後，有機會贏得盆菜禮券、主題公園門票同美食禮品籃。比賽本月30日截止，詳情可以參考呢個網頁： https://www.happymomentsoffamily.com/competition_details。