今日係農曆正月十五元宵佳節，敖嘉年、姚浩政、蘇慧恩同鄧詠雪晏晝一齊到牛頭角出席長者探訪活動，同一班老人家共度元宵節兼唱歌派禮物。 嘉年接受訪問時話：「今日係特登出嚟做義工，自己向來都好關心老人家，經常都會出席一啲長者探訪活動。」

嘉年透露原來最近已經同TVB滿約成為自由身，佢話依家工作聯絡由老婆負責：「其實同TVB仲有部頭合約，亦計劃年底會返去幫手拍一套劇，嚟緊月中會演出舞台劇，今次會同好多前輩合作，自己都係第一次，所以感覺好新鮮好緊張。」又話四月就要飛上海拍電影，預計拍到月返嚟。

精選娛聞，喺晒《娛果》
http://fb.com/appledailyent