8月經已上演左3場英超賽事，唔知各位球迷滿唔滿意各位領隊嘅表現？英超官網周五公布左8月最佳領隊嘅候選名單，入選嘅分別係曼城嘅哥迪奧拿、利物浦嘅高路普、曼聯嘅摩連奴、西布朗嘅普利斯以及哈特斯菲爾德嘅華拿。

上面提到嘅5人，目前都帶領球隊攞到聯賽嘅頭5位，可謂「fit馬中嘅fit馬」。其中攞獎大熱就梗係摩佬，佢帶領嘅曼聯不單取得3連勝，更轟入左10球咁多，可謂勢不可擋。至於華拿就相信係黑馬，全因哈特斯菲爾德目前攞到2勝1和。對於升班馬黎講，咁嘅表現已經值得鼓掌。

但「每月最佳」的確係一個魔咒，往往贏到嘅領隊或者球員，下場比賽好多時都會冇運行。