藝人陳家樂喺月頭嘅時候，因為拍《破風》嘅單車場面，發生意外炒車入院，左邊瑣骨斷裂三折，需要於當地馬上進行接駁鈦金屬片手術。

出院後嘅家樂復工心切，噚日已經急不及待落場練習單車，後晚仲會正式復工，出席天梭錶活動。

家樂噚日練車嘅時候，全日都落住傾盤大雨，但佢就無懼風雨同手術傷口冒雨練習，為復工積極備戰，仲喺facebook上載練車短片，留言話：「成功之前不要放棄。」唔少網民都留言鼓勵佢。

英皇電影藝人部代表就表示家樂仲後生，傷口復元狀況非常理想，醫生指佢嘅代謝率特別高，傷口癒合特別快，對佢復工充滿信心。