《第22屆釜山國際電影節》將於下月12號至21號舉行，不過由於韓國電影導演工會早前表示會繼續抵制電影節，所以外界推測今年同去年一樣星光暗淡(相關新聞: http://bit.ly/2f1K6a1 )。

但「國民妹妹」始祖文根英主演嘅新片《玻璃庭院》係今屆嘅開幕電影，文根英亦已落實會現身電影節宣傳新片，加上今日電影節主辦方表示張東健、金荷娜將擔任開幕禮嘅主持人，抵制情況似乎冇去年嚴重。

而今次係張東健及金荷娜繼2012年劇集《紳士的品格》後，事隔5年再合作，令粉絲都相當期待。