馬國明持住戶證自由出入女友香閨 與高Ling拍Kiss戲唔怕扭耳仔

蘋果日報 2020/09/17 17:59

馬國明湯洛雯C9特工高海寧
    馬國明和「靚湯」湯洛雯公開戀情僅3個月，已傳出閃婚。雖然二人否認，但近日馬明被影到現身靚湯紅磡寓所，一泊低車，馬明便「自動波」從銀包取出住戶證，拍卡進入大廈，儼如男主人一樣。馬明今日為新劇宣傳時，連聲否認：「冇，當然冇啦，只係我有時去佢度食飯，佢又會嚟我屋企食飯，唔係咩男主人。」
    劇中馬明向高海寧求婚時，有一場咀嘴戲，馬明笑言是自己申請：「可以同女神合作，我申請番嚟，但除咗求婚嗰場，就申請唔到其他，promo片已經出晒啲親熱畫面，拍嗰陣都有心跳加速㗎。」他表示不擔心被女友扭耳仔，亦不介意一齊睇；身為靚湯好友的高Ling亦說：「我哋可以一齊睇，靚湯好大方嘅。」
    對於《唐人街》臨時抽起，改播被指是兩年前「倉底貨」的《C9特工》，馬明表示《C》亦曾被抽起過一、兩次，自己不會傷心，反而高Ling說：「我傷心㗎，所以突然有得播好驚喜。」最近高Ling已連續4部劇集出街，她表示不擔心觀眾看厭，反而開心每部劇都有不同的角色、性格和造型，讓她有不一樣的演繹方法。而馬明亦讚高Ling專業，拍第一場戲時已跌傷頭部，令眼睛出現重影，但她仍堅持繼續拍攝，高Ling笑言：「而家好啲，仲好似開咗竅添。」
    empty
    馬國明持湯洛雯寓所住戶證，否認男主人。
    empty
    高海寧表示好姊妹湯洛雯好大方，不介意一齊睇她與馬明的咀嘴戲。
    empty
    empty
    高海寧連續4部劇出街。
    empty
    監製梁耀堅
    empty
    劇中二人飾演夫妻（無綫電視截圖）
    empty
    馬明笑言申請與高Ling有親熱戲。（無綫電視截圖）
    empty
    馬明與湯洛雯感情穩定。（IG圖片）
    empty
    湯洛雯人緣好，與高Ling和馬明舊愛黃心穎都是好朋友。（IG圖片）
    -----------------------------
    《蘋果》英文版免費試睇：了解更多
    英文版已登錄《蘋果》App，立即下載/ 更新：iOS / Android
    -----------------------------
    支持蘋果深度報道，深入社區，踢爆權貴，即Like蘋果專題及調查組FB專頁！