今屆區議會選舉中，大埔區19個議席全部由泛民及黃絲囊括，將大埔染成「黃」埔，其中兩場經典戰役，由兩名後生仔打出勝仗。80後連桷璋以3,768票，奇蹟地把盤踞寶湖及廣福選區16年、建制派兼大埔區議會主席黃碧嬌拉下馬；90後大學畢業生姚鈞豪亦以4,266票，將宏福苑選區爭取連任的建制派胡健民踢走。兩名候任區議員為報答區內選民，未上任已偷步投入地區工作：幫市民預訂運動場、處理違例泊車、處理鬆脫的晾衫架、在交通意外後義務指揮交通等，事無大小均親力親為。兩人均認同民生無小事，期望能攜手革新，將活力帶到社區。

記者：林熊

「我係新當選嘅區議員，你傷勢點呀，唔使驚，白車好快到。我去打交通先，唔好塞住成條路。」30歲的連桷璋當選後，剛巧經過大埔寶湖道時，遇到的士撞傷途人的交通意外，他一邊安慰傷者，一邊指揮交通，幾分鐘後交通警到場，他才離去。身為區議員，連認為社區無大事小事之分，居民的事就是他的事。幫居民預訂運動場地及換窗等，都是近期收到最多的求助個案。

新人事新作風，連希望與社區居民同心協力，共同去推動一些改變，這些推動甚至可與傳統泛民的做法不同，「我希望畀返活力個區，呢個社區好似停頓咗好耐，呢樣嘢係我同啲街坊都幾look for嘅一樣嘢，個地方有返啲活力，有啲改變真係有唔同。」

雖未正式上任，但連在宣佈當選後，已即時展開工作，「街坊搵你幫手，你唔幫手咩？」他指選區內當務之急要處理的問題，是違例泊車。「我屋企樓下（寶湖花園），以前都會有（違泊），但係因為警方唔係好執法之後，日趨嚴重，兩條行車線兩邊都泊滿車，甚至連轉彎位都有，我覺得呢個都係頗為急切需要解決嘅。」

「最埋身第一樣，就係搞咗個office（辦公室）先啦，另外係需要請人（助理）。」連所在的選區包括公屋廣福邨，他想不到租用辦公室，需經一連串的行政程序及花費大量時間，「而家啲區議員工作，好多係臨時臨急嘅應變，街坊嘅求助。例如可能會處理爆水喉呀，頭先真係咁啱行過就有交通意外，呢啲事雖然唔係你計劃之內，但每一次面對嘅時候，都可能用一個鐘兩個鐘去處理。」

說到理想與抱負，連最希望推動「區域議政」，令區議會準確回應地區需要，經歷過市政局及區域市政局年代的他表示：「個市政可以咁去運作，唔需要我哋去寫一封信，去搵康文慢慢去處理。」他希望有個類似市政的能量，可直接處理社區事項。對於大埔變「黃」埔，會否擔心政府閂水喉削資源，連稱：「如果咁做，即係與民為敵。」

97年11月出生的姚鈞豪，是回歸後的新生代。他在大埔宏福選區以4,266票當選，比對手多出一千票。今年才大學畢業的他，雖有兩年在大埔當區議員助理，具社區工作經驗，但當選後，即要面對一個比較棘手問題，就是宏福苑法團改選及將進行大型的大廈維修工程，「希望大家齊投票選一個法團，一齊監察大維修嘅款項數目。只要大家街坊齊監察，就唔會有圍標事情發生！」

做議員助理期間，姚主要處理居民投訴，但有關區議員福利及辦事處如何運作，均要從零開始向前輩請教，「一個office（辦公室）究竟可以攞幾多allowance（津貼），我都係仲未清楚。我會問返我嘅前輩，即係區鎮華議員、任啟邦議員。希望從佢哋口中，得知點樣運用資助，例如究竟可以請幾多個職員之類嘅問題，因為營運好一個辦事處，對我嘅未來工作好重要。」

至於做區議員及議員助理有何分別，姚說：「助理幾乎只係聽指令去做嘢，但區議員除咗向助理發出工作指令，仲要事事親力親為，凡事要自己揸主意。」他當選後的第一單求助個案，就是晾衫架高空鬆脫。「（宏泰閣）有一個單位，外牆晾衫架鬆脫，我即時去睇咗，睇到管理處其實已經圍封咗，佢哋已經即時處理咗危險嘅部份。」

「宏福選區目前最急切處理的問題係違例泊車，（元洲仔里）呢邊每逢假日，或者返學放學時間，都睇到好多違泊情況。」姚對區內「大小問題」如數家珍，隨意講出多項居民最關心的事，「如果呢條單車徑有交通意外發生，警車同救護車（可能）都入唔到，所以呢個係我比較急切需要處理嘅事項，其他事項包括建築物料隨地擺放、環境衞生問題，仲有某部份位置地氈需要重鋪等等。」

「大埔扎根，攜手革新。希望大家可以同我一齊，革新呢個社區，革新呢個大埔，希望令到大埔舊有存在唔好嘅做事方式，一齊革新咗佢。」姚指上任後長遠目標，是希望爭取在天賦海灣增設巴士轉乘站，及推動資源回收；短期目標是盡快爭取將廣福邨一個已近乎荒廢的木球場，改造成適合居民使用的硬地，做到以民為本。

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568