魏駿傑嘅重慶嫩妻張利華早前俾人影到同前港隊單車手鄧宏業偷會，有傳傑仔為咗頭家，豪花千萬買西貢獨立屋箍老婆。𠵱家佢有時間仲會教老婆游水，有傳張利華參加完三項鐵人賽後，會幫老公追個仔。傑仔噚日接受電話訪問時話順其自然：「以前好恨仔，但生咗個女之後又想生多個女，因為夠嗲好黐身。」係咪減少工作陪愛妻？佢話：「點減呀，幾間樓供緊呀！」
撰文：馮仁昭