鄭伊健在紅館舉行一連六場演唱會，昨晚圓滿結束。日前因在表演時受傷，導致脊椎移位及右手韌帶撕裂的伊健，在唱快歌跳上台時，卻差點踏空，幸而有驚無險。他感謝家人的支持，太太蒙嘉慧在台下開心拍掌。伊健又感性分享：「點解我會做呢個騷?因為呢六年走得好快，變化好大，尤其香港，但我會用莫名奇妙去形容，香港點解會變得咁負能量呢?包括我自己，我就問自己可以做啲咩嘢，我覺得最重要係做好自己，因為我係藝人又係歌手，人係會感染其他人，見到你哋今日咁開心，就係呢六場目的，大家要記住呢個正能量，keep住佢。」

伊健和現場觀眾大合唱最後一句歌《我的歌》，尾段時感動落淚，下台時他不忘高呼：「要記住今晚呀！」到encore時，他除去黑色外套穿的是一件白色背心，展露了受傷的右手，貼上了運動繃帶。到第二次唱encore，唱出《爸爸的汽水》，唱到一半他已感動得眼眶泛淚，之後再連接唱了兩首場，演唱會本來就此結束，紅館工作人員已作出結束廣播兼亮了場燈，但觀眾仍不願離開，，更大叫encore，最後伊健第三度上台，笑言：「凡事太盡，緣份勢必早盡。」，再全場大合唱《你的我》，唱罷便說：「希望後會有期。」演唱會亦正式落幕。

伊健在完騷後接受訪問，展示手傷，他說：「腫咗，都幾嚴重，叫做表演咗兩場，另外四場用其他方法代替，冇辦法，相信觀眾滿意。醫生話有排至好，叫唔好郁佢會好啲，右手膊肩位瘀晒，入面全部係瘀血，但今晚尾場都要去慶功飲嘢，大家開心就得。」而在跳上台時他又差點踏空，相當驚險，伊健猶有餘悸說：「係呀！差啲跌咗落去，賣力就有危險，冇辦法，朱祖兒設計呢個舞台係好靚，但三尖八角係有危險，不過冇事就得啦！」問到受傷後的日常生活是否需要太太特別照顧?伊健笑說：「你估我跛咗咩。」

提到唱《爸爸的汽水》激動表現，伊健說：「藝人都係普通人，佢哋(家人)鍾意去邊我都會陪住，一齊去大牌檔、行花市，屋企人好casual乜都做得，我都唔知自己點解會喊。」至於相當感觸講到香港起了很大變化，伊健說：「有啲嘢唔使講得太白，想大家開心，啲人太易着火，希望大家開心去諗吓點處理，我自己都諗咗好耐。」

精選娛聞，喺晒《娛果》
http://fb.com/appledailyent

第二屆最港電影大獎投票網址
https://bit.ly/thekongestfilmawards2018

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb