日本女星綾瀨遙夥拍本田翼嘅NTV電視台人氣劇《太太要小心對待》已播出大結局，最後一集錄得14.1%收視，成績算有個交代。

綾瀨遙同本田翼拍完新劇又喺新片《今夜，在浪漫劇場》再拍檔，綾瀨遙在片中飾演黑白片女主角美雪，陰差陽錯從電影世界走到現實，同坂口健太郎扮演渴望成為電影導演嘅男主角健司邂逅，本田翼今次就扮傾慕坂口健太郎嘅社長千金，而在《太太要小心對待》中做本田翼丈夫嘅中尾明慶都有份演出。

《今夜，在浪漫劇場》安排2018年2月喺日本開畫，電影公司今日公開主題《奇跡》嘅MV。呢首主題曲由女歌手Che'Nelle獻唱，配合兩位主角嘅浪漫場面，仲公開部份首度曝光嘅催淚鏡頭。

更多娛聞，喺晒《娛果》
http://fb.com/appledailyent