中大校董會早前推薦港產居美學者段崇智為下任校長，校董會明將舉行會議，討論是否通過其任命；兩名建制派校董均未言反對，自由黨張宇人認為「睇唔到反對理由」，民建聯劉國勳則表態支持，稱讚段為適合人選，望中大盡快落實新校長人選；惟有學生卻批評校董會未有學生代表、諮詢欠透明，「暑假先諮詢，根本就無人知段崇智係邊個」，明言將到場抗議，要求新校長任命延至9月。

中大校董會早前推薦段崇智出任校長，接替將離任的沈祖堯，段亦是校長物色和遴選委員會的惟一推薦人選。中大校董會明將加開特別會議，討論任命。

中大校董、民建聯立法會議員劉國勳直言，對段崇智「認識唔多」，「但只睇背景，佢喺學術方面有經驗，又係本土學者，都幾合適」，故其將支持段的任命；他亦反對延長諮詢期至9月，「始終有啲嘢都要定落嚟，中大先可以發展其他嘢」。

提到有批評指，段崇智缺乏大學管理經驗，劉持開放態度，「大學唔係一個人做，校長嘅職責有學術發展、籌款等，佢搵到人幫就得」。劉又指，希望在會面時更了解段的想法，並會向他反映意見，「雖然（中大）歷史係有唔少社會運動，但都希望大學喺社運以外，多啲關注學術發展」，建議如提升大學排名，「排名可以作為一個指標......唔係就不進則退，畀其他院校趕上」。

另一校董、自由黨立法會議員張宇人僅指要視乎與段的會面，才決定投票意向，「不過，現階段係睇唔到任何反對理由」。

中大新亞書院學生會常務幹事孫昊賢則批評，校方趁暑假進行多場諮詢，「好多學生根本唔知咩事、亦唔知邊個係段崇智」，故要求中大校董會延遲任命至9月，再安排學生諮詢會，「對佢（段崇智）係有啲保留，因大家都唔識佢，要多啲了解」。他又批評，校董會內無學生代表，欠代表性，計劃會議進行期間，聯同其他書院代表到場抗議。中大學生會則回覆暫未計劃任何抗議行動。