沙頭角元墩山村方圓五公里之內嘅村民肯自願交雞者，只佔養雞戶之5%，共十隻。賓架陳歎曰：「原來我哋香港收雞防範禽流感都咁難，令我懷疑到中國大陸、泰國、越南、印尼、伊拉克、土耳其呢類國家嘅窮鄉僻壤，爆發禽流感之後，收雞殺雞會唔會得個講字呀？佢哋宣布嘅殺雞數字，邊度信得過。」
賓架陳或者係「小人之心」，但諗到上述地方，鄉民更唔捨得自動交雞、殺雞，加上貪污之風甚盛，話唔定送雞髀可以等同賄款，官員豈唔會產生隻眼開，隻眼閉之心理！世衞組織根本無從監察。
「我至係老竇」一句聲震屋瓦。要戰勝禽流感都唔難，要從中國人、亞洲人心中消除「我至係老竇」嘅權威性，好難好難。