新iPhone開賣，好多人都只關心炒價，但對真用家嚟講，冇得炒先係福音！在貨量充足，兼回收價疲弱，大市吹淡風下，明顯嚇退唔少之前㩒咗IR買機，想發iPhone財的炒家果農，令唔少原屬今朝IR的iPhone XS和XS Max現貨在Apple Store發售。有消息指，現時九龍塘、又一城，及沙田新城市廣場Apple Store都有齊型號齊色的iPhone XS及iPhone XS Max供應，其他店舖則未有消息。其實Apple Store一向有相同做法，過往亦有把IR未有出現取貨的iPhone，釋放出來作現貨出售，但過往只屬極少量及有限型號，像今次般齊貨就比較少見。記者其實一向不鼓勵炒賣iPhone，今次開賣首日就可以walkin買機，實在是用家福氣，不過記者都要帶番頭盔先，雖則話有齊貨，但貨量多少依然成謎，如真的有心入手，不妨早啲去碰下運氣。

記者：韓繼聰

********
據聞SmarTone貨量多，出iPhone最着數!上全新4.5G全速計劃出機，有高達$1,500折扣，再送雙倍數據同大灣區數據！即刻上台啦 http://bit.ly/2QKbnM0 ！