遼寧男籃早前喺全運會歷史性奪冠，陣中球星周琦同郭艾倫當然係功臣之一啦；不過籃協主席姚明喺頒獎禮見到佢兩個時，似乎就唔多高與喇。點解？因為佢兩個疑似想幫Nike同Jordan宣傳囉！

「波神」米高佐敦（Michael Jordan）嘅運動品牌Jordan一直控告國內品牌「喬丹」侵犯版權，不過國內嘅籃球省隊一於少理，全運會照搵喬丹贊助，就連遼寧男籃都係其中一份子。

不過，周琦同郭艾倫分別係Nike同Jordan代言人，喺頒獎禮時雖然着上喬丹牌外套，但就打開晒拉鏈，露出各自代言嘅運動品牌Tee。當姚明頒獎時見到，就細細聲喝令兩人拉好拉鏈，之後先肯畀個獎牌佢哋。