由荷李活大導演基斯杜化路倫（ChristopherNolan）執導嘅科幻新作《星際啟示錄》（Interstellar），唔單止票房唔錯，戲內嘅太空科學理論更引起一連串討論，大家應該記得馬修麥康納希（MatthewMcConaughey）嘅太空船度出現過兩個分別叫TARS同CASE嘅機械人。

其中為TARS配音嘅美國老牌演員BillIrwin，早前都有出席紐約嘅首映活動，佢接受外國傳媒訪問時就話今次配音超級辛苦，全因導演路倫要求錄音有別於平日係錄音室嘅錄音方式，佢話：「導演話正常情況下佢會搵人係錄音室搞掂，但佢今次想找搵人係現場配音，於是經理人同我講我呢次係要準備好passport飛到冰島、加拿大同LA配音！」

至於如何令TARS變得栩栩如生，Bill話：「首次花咗啲時間設計機械人嘅動作，然後我同特技演員MarkFichera要學點樣推個機械人。」又分享64歲喺冰島水中拍攝嘅經驗，原來佢要一路係背後推住機械人，亦要一路講對白：「呢個係最令人振奮嘅經驗。我成日喺機械人後面，對住咪講嘢，但同時要同我最仰慕嘅演員演出！」因為要用後期執走啲穿崩嘅手腳，佢哋都要着灰色衫上陣，導演成日提佢要低頭費事穿崩，要為後期製作省錢，難怪佢話苦不堪言。