噚日網上驚傳柯震東喺北京涉吸毒被捕，事件震驚中港台，惟事發至今已經超過10幾粒鐘，其所屬嘅「群星瑞智」經理人公司老闆柴智屏完全冇回應，柯震東經理人怡辰從噚晚10點到今朝6點，都話聯絡唔到柯震東，只承認佢放假身在內地。

發生咁大件事，柯震東依然「失蹤」唔蒲頭澄清以正視聽，情況真係好唔尋常，事關之前港台藝人喺內地涉吸毒被捕，好似張耀揚、張國立兒子張默咁，都係喺網上發出傳聞後，無論事件係真係假，北京公安局好快已經出嚟回應，甚至係證實事件，轉頭仲公開埋被捕嘅視頻，務求做到「人贓並獲」，但0依家柯震東涉吸毒傳聞滿天飛，柯震東經理人同公安局竟然至今都冇動靜，唔知搞乜鬼呢？

有傳柯震東涉吸毒被捕時，成龍兒子房祖名亦喺現場，傳聞有勢力人士立即從中周旋，希望將事件密冚兼低調處理，不過網民卻快一步喺討論區洩密，殺相關人士一個措手不及。



識睇，一定係睇足英台【英波Live】：

http://soccer.appledaily.com
http://bit.ly/engballlive