當年今日
關於我們

【黎小田病逝】譚耀文榮幸有恩師提攜 杜德偉:難過又遺憾

蘋果日報 2019/12/01 11:25

黎小田譚耀文

【新增回應】
資深音樂人黎小田今早7時55分因病離世,黎小田生前對本地樂壇有極大貢獻,他於80年代加入無綫旗下的華星娛樂擔任音樂總監,不少參加《新秀歌唱比賽》入行成為歌手的藝人都由他提攜,而參加第7屆新秀成為冠軍的譚耀文亦是他親手提拔,阿譚的第一張唱片亦是黎小田負責監製。
譚耀文今日得知黎小田離世,向《蘋果》表示感到非常突然,覺得非常可惜,問到二人的難忘事,阿譚說道:「我參加新秀去華星面試,未入選,第一眼見到小田哥,佢幫我哋每一位參賽嘅人試音,嗰時第一次作為一個普通人見到音樂教父,親自幫你check key、幫你揀歌。佢好隨和,笑容最難忘,佢嘅笑容好隨和,好細心幫每一位參賽者揀適合佢嘅聲嘅歌,好nice、毫無架子嘅音樂教父。好難得,直至到佢陪我參賽,帶領我哋入圍嘅人嘅過程當中,一句脾氣都冇發過,令我哋所有參賽者都好開心。」
之後,譚耀文獲簽約成為歌手,第一隻大碟亦是由黎小田負責監製,他說:「好榮幸佢監製我嘅唱片,我第一張嘅個人大碟,當中錄音過程跟佢學識咗好多嘢,從音樂上溝通,認知到小田哥喺音樂上嘅知識係廣博到,對世界上所有唔同音樂都好了解,對音樂嗰種狂熱、同佢本身嗰種感性嘅性格,兩樣嘢係並存、與生俱來,佢一埋到鋼琴、一講音樂佢好就著迷,你會好admire佢。」
提到最後一次與黎小田見面,阿譚表示已是數年前黎小田開餐廳時邀請他出席:「佢開嘅一間餐廳,邀請我哋去捧場,間餐廳好romantic,好多圈中朋友都有去支持佢,我記得有同佢唱過歌,喺佢琴邊伴唱,個晚好開心好難忘。」
第4屆新秀冠軍杜德偉以短訊回覆《蘋果》:「難過又遺憾,一位劃時代的前輩音樂人離開了我們。還記得Michael曾監製我的第二張廣東個人專輯《夜半一點鐘》,最喜歡他為我寫的歌曲《同渡每晚》,合作過程愉快又難忘。每次和Michael相遇他都能給人一種親切和藹的感覺,他總能找到和人共通的話題。永遠懷念小田哥。」
empty