周六荷甲聯上演強弱懸殊戰，由衞冕的燕豪芬作客今屆聯賽未嘗一勝的海牙，雖然燕豪芬今役未能「夫添」，又有歐冠盃後顧之憂，但由於海牙近況實在太糟，故就算燕豪芬在「讓球主客和」讓一球，仍捧「客勝」。（球賽編號：星期六52；無綫收費電視26台及now826台明日1:30am直播）
在今屆荷甲聯3勝1負的燕豪芬，於周六到訪海牙時，有頗多不利因素：首先多名主力如中場高古、阿費利、居連拿及前鋒法芬都有傷在身，中前場陣容不整，而且在下周三的歐冠盃又要作客法國波爾多，周六時隨時會留力。
不過，海牙今屆表現實在太差，在聯賽4戰全敗包尾之餘，更有前鋒艾利亞有傷，就算有後衞沙亞華拉停賽期滿復出，亦幫助不大。

海牙4戰全敗敬陪末席

畢竟，燕豪芬今役亦有兩大後衞米高波爾及林美可以復出，配合一班可候命的主力如前鋒干尼及中場西蒙斯等，實力不俗；加上他們近4次訪海牙全勝之餘，更全部就淨勝兩球或以上兼未失一球，因此今役可博燕豪芬「客勝」，而波膽就敲燕豪芬勝2:0。
至於同日另外兩場荷甲聯，亦同樣是強弱對壘，由川廸迎鹿特丹斯巴達，以及維廸斯主場鬥荷華高斯，由於川廸與維廸斯人腳都稍優，又同樣有主場之利，兩隊單W冇走雞。
吾中