準新娘單文柔今日到天水圍擔任中秋活動嘉賓，更獻出首次公開唱歌表演，唱出《分分鐘需要你》，表現中規中矩，事後佢直認緊張：「有搵人學咗幾堂，頭先上台有啲失色，平時好少唱歌。」

單文柔指未婚夫陳展鵬係歌手出身，亦有教佢唱歌技巧，問到婚禮上會唔會有獻唱環節？佢笑住話：「如果有，千祈唔好預我。」婚禮已經預備得七七八八， 心情越嚟越興奮，加上時近中秋，所以多咗同兩家家人聚會，令今年嘅中秋特別有家嘅感覺。而今年亦係最後一個單身嘅中秋節，所以應該會特別難忘。」

現場有不少小朋友表演，問單文柔會唔會想快點生小朋友？佢話:「都有諗過組織家庭，但係暫時想過二人世界先。」

精選娛聞，喺晒《娛果》
http://fb.com/appledailyent