2017「中國小姐大賽」今個星期舉行，今次就係香港搞，今日籌委會伍小平主席同籌委榮譽主席林建名都有出席觀塘搞嘅聚會，閱女無數嘅林建名，被問對選美嘅標準，佢真係一針見血：「除咗樣貌、身材、智慧都要。」咁要唔要長腿？佢話：「長腿比例當然係好啲，夠長好啲。」長度緊要定係CUP數重要？佢話：「台上來講，長腿緊要，做女朋友梗係CUP數緊要。」

今個星期三13號，40位佳麗將會九龍城廣場以三點式首度會見傳媒，當林生聽到三點式，即刻瞳孔放大話：「係咩？」問佢係咪好期待，佢笑住話：「我日日都期待。」聚會期間，大會安排香港代表2號王曉敏坐在林建名身旁，問林生香港代表如何？佢話：「幾好呀！」問林生有冇同香港代表傾計？佢好似有少少怕醜咁話「我驚聽唔到，有時聽得一半就唔好喇！」

彭健新應邀為大會擔任表演嘉賓，當晚佢會用一個列入世界紀錄大全嘅鑽石結他彈奏一曲，佢話：「其實我已經推咗三次，最終都答應，呢個結他入健力士紀錄大全，全世界得一個，值過千萬，已經買重保險，嗰啲結他鑽石裝得好實淨，我同結他主人講，如果跌出來就歸我。」另外，彭健身啱啱係拉斯維加斯做完騷返來港，佢話航空公司漏咗幾件行李係溫哥華，佢話：「公司會叫佢賠償，好多嘢趕住要做，樂器對於我哋係生命，唔係自己嘅會周身唔自然。」

更多娛聞，喺晒《娛果》
http://fb.com/appledailyent