就嚟到父親節，有機構今日舉辦活動「擁抱家 ‧ 快樂爸」，推動全城爹哋積極參與子女嘅教養任務 (Active Fathering) ，宣揚「讚賞」文化同唔再沉默，將心中嘅愛付諸行動，活動仲有過百個家庭報名參加，挑戰「最多爸爸跟子女擁抱」嘅健力士世界紀錄，唔少爹哋抱抱子女，溫情洋溢。幾名立法會內嘅好爸爸，包括實政圓桌田北辰、民主黨涂謹申同民建聯鄭泳舜等都有出席，分享做爹哋嘅生活點滴。

其中田北辰喺現場見到主辦活動嘅DADs Network共同創辦人、亞博館行政總裁哈永安，以及家庭議會主席石丹理，竟然自慚形穢，皆因佢話企喺呢兩個六呎高人中間，簡直好似變咗哈比人，可想而知我沒有六呎高，幾大壓力呢！