創辦人K係我見過，本地創科圈入面，數一數二最豪氣干雲嘅角色。

作為一個曾拒絕科技巨擘收購嘅創辦人，佢非但冇絲毫後悔，反而仲更加行事果斷，敢想敢做，喺我眼中，佢係香港創科界嘅美國隊長。上周有晚，創辦人K邀請IT界朋友上佢公司飲酒，誰不知嗰次聚會，十足十Avengers終局之戰入面，連美國隊長亦要圍埋其他人，參與創傷座談會咁款。

參與者全部係創辦人，部分平時比較悶不吭聲，亦有人異常高調，常於媒體出現。對於香港目前嘅局面，大家都有一種共同的無力感。

任憑大家點拼命工作，香港似乎亦係度慢慢咁死去。每星期睇住直播，充滿血腥和鮮血的畫面，警察如何將繼續升級暴力，然後不斷出現一個又一個香港人，只係為咗守護香港的理想而付出了個人自由、嚴重身體創傷甚至喺生命。

有位外表陽光健康創辦人，只係一次又一次咁睇直播，甚至患上了恐懼症，要約見心理醫生。以後係街見到警察，我估佢就會情緒波動、全身發抖。

然後大家討論，如何處理這種無力感？

部分人分享，有考慮過唔好理、刪除Fb、甚至有朋友已決定移民台灣，離開這個傷心地。但我可以肯定，即使離開咗香港，只係增加物理上距離，因為只係逃離的話，你內心只會係空洞、永遠無法安寧。

想擺脫無力感，有位創辦人認為，首要認清同接受事實。認清警察唔會再保護市民，走在前線嘅抗爭者、和理非遊行人士甚至一般親政府市民，亦要接受，未來大家都有機會，隨時被警察無差別恐嚇和襲擊的事實。我認同。

但要記住，認清唔代表認同，接受事實亦不是妥協。以實質行動支持，我認為有助擺脫無力感。例如有創辦人朋友計劃，要寫程式解決資訊不對稱的問題，我認為可行，但比較持久抗爭。

若要自救，科技媒體Unwire報導，美國有Parachute這求救App，現免費供位於香港的用戶登記。它可以在用戶發動求救模式時，自動傳送SMS、電話給指定聯絡人，更可在一鍵立即直播、錄音及實時記錄求救位置。

重點是免費的原因，是一名香港網民去信，要求開發者能免費供港人使用。當香港有累卵之危，但時勢愈亂，我地愈要振作，各自係自己嘅崗位，做返啲自己擅長嘅嘢，那怕是寫一封信，都會有用。

其實，人人都可以是美國隊長，還記得他在Endgame的經典對白嗎？「我們會贏，Whatever it takes，Good Luck。」

尹思哲
http://linkedin.com/in/wanszezit

investMAN
For People of Style & Substance
掌握理財智慧 感受生活品味
http://facebook.com/investMAN.hk