韓國女星李英愛為SBS中秋特別節目《唱歌的明星─Blu Star》擔任嘉賓，一眾主持人於錄影後當然要「集郵」喇，不過原來現年46歲嘅主持人兼歌手尹鐘信，於17年前已經同愛姐合作過！

尹鐘信喺Instagram上載咗一張合照，相中除咗愛姐之外，仲有一名節目組嘅導演。尹鐘信更留言寫道：「久違17年前嘅成員，SBS《非常特別的愛》李英愛、徐慧珍導演。」相中三人好親密咁企埋一齊，笑得好開心，不過愛姐就冇望到鏡頭，似乎唔知鏡頭係邊。原來愛姐同尹鐘信於1999年一齊主持過音樂節目《非常特別的愛》，所以今次嘅節目係17後再合作。

另外，有份主持中秋特別節目《唱歌的明星─Blu Star》嘅男團WINNER成員姜勝允亦有同愛姐合照。