勒邦占士（LeBron James）早前拿下NBA總冠軍，趁新球季未開始，當然要放鬆吓，揸架跑車去踩幾踩。這位網民就有幸在公路上遇到勒邦占士，而他當時駕駛的就是保時捷（Porsche）918 Spyder，全球限量918部的混能超跑，現在炒到過100萬美元，唔知係咪用人民幣找數呢？

雖然身價一直摸頂，閒閒地百萬千萬級超跑都買得起有餘，但勒邦占士年前曾經在網上公開自己駕駛的是韓國起亞（Kia）的K900，之後在2014年10月更加簽約成為該車廠的代言人，而且他強調自己在代言之前已經是K900的用家及車迷喎。

到近日，有網民e30alex99就個人IG上出片，說在公路上遇到「大帝」。首先「大帝」防疫意識幾好吖，揸開篷車都不忘戴口罩，而最勁就係網民這樣也認到他即時舉機拍片。其間「大帝」都發現旁邊車上有人拍片，他亦舉手打招呼，表現好友善。最後就踩油加速離開。

至於他那部座駕保時捷918 Spyder，在美國新車原價是845,000美元起。不過正如先前所講，全球限量918部，現在炒價已經過百萬美元，而且估計仍會繼續升值，未知他是新車買入還是炒價後追。

說到車廠品牌代言，其實占士早前已經為GMC即將推出的新Hummer EV電動車拍過宣傳片，雖然沒有918的速度，但內櫳應該闊落一點，可能下次看到他已經駕着這部新車咯。

影片：https://www.instagram.com/p/CIgOq6dhrab/

撰文：Michael

編輯：鄒仲安

-----------------------------
低頭族上班族必睇 伸展＋穴位按摩自救緩痛
《保健精讀：痛症（頭肩頸）》
-----------------------------
8大一日遊行程懶人包 食盡本地海鮮農家菜
即睇《遊嚐假期2020》電子書

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！