【嚇死粉絲咩！】AKB小嶋陽菜同齋藤工自拍床照曝光
蘋果日報 2016/01/29 06:00
蘋果AKB48小嶋陽菜即時美乳齋藤工an.an
AKB48人氣成員小嶋菜陽同齋藤工有自拍床照曝光！原來只係為雜誌拍特輯。- 呢張床上自拍相真係嚇親好多粉絲。
- 今朝一早日本啲電視節目都有介紹呢個咁大膽嘅雜誌特輯。
- 封面當中陽菜仲大晒美乳，相當火辣。
- 早前雜誌個預告中只得陽菜，原來仲有同齋藤工嘅大膽照。
日本組合AKB48人氣成員小嶋陽菜，一向都係隊中性感象徵，佢仲成日為香港餅店賣廣告，佢喺AKB足足十年時間，雖然間中都有啲傳聞，但就從來未被影過同男人拍拖嘅相，不過，今日竟然有張自拍床照洩漏咗出嚟，而且個男人仲要係日本師奶殺手齋藤工！
呢張相真係嚇到兩方面嘅粉絲暈倒，其實呢張只係佢哋為雜誌《an.an》拍攝嘅相片，下月初推出嘅新一期《an.an》，以性為題材，於是就搵咗兩個喺異性眼中都好性感嘅男女嚟拍呢個特輯。今朝日本啲節目仲介紹埋個封面，齋藤工攬住大晒美乳嘅陽菜，都相當噴血。陽菜話佢哋係第一次見面，見到5分鐘之後就開始拍床照，搞到佢勁緊張，好彩齋藤工帶領到佢拍呢輯相。而齋藤當然大讚陽菜夠晒艷麗啦。
呢張相真係嚇到兩方面嘅粉絲暈倒，其實呢張只係佢哋為雜誌《an.an》拍攝嘅相片，下月初推出嘅新一期《an.an》，以性為題材，於是就搵咗兩個喺異性眼中都好性感嘅男女嚟拍呢個特輯。今朝日本啲節目仲介紹埋個封面，齋藤工攬住大晒美乳嘅陽菜，都相當噴血。陽菜話佢哋係第一次見面，見到5分鐘之後就開始拍床照，搞到佢勁緊張，好彩齋藤工帶領到佢拍呢輯相。而齋藤當然大讚陽菜夠晒艷麗啦。