宇宙巨G.E.M.鄧紫棋，一向都被人話佢大牌、寸、冇禮貌、唔尊重人等等，真係講得出都有佢份，之前宇宙巨G.E.M.喺內地節目《我是歌手2》入面彈出，成功紅爆內地，嗰時只要有人喺網民講宇宙巨G.E.M.嘅壞話，內地嘅網民都會為宇宙巨G.E.M.力撐，不過花無百日紅，近日就連中國內地粉絲，都唔再撐G.E.M.，又話佢形象插水添。

先係日前有《我是歌手2》嘅幕後爆料，話宇宙巨G.E.M.因為要唱自己歌，所以激嬲《我是歌手》嘅洪導演，又爆出佢鬧幕後工作人喊，正所謂「行得正、企得正」的話，負面新聞一定會過去，不過呢句嘢就唔可以用喺宇宙巨G.E.M.上喇，因為今日有內地傳媒瘋傳，宇宙巨G.E.M.會被湖南衛視封殺喇！

今日微博一個叫「星扒皮」嘅網民，就聲稱自己係電視台嘅工作人員，佢話湖南衛視已經確定封殺封宇宙巨G.E.M.：「湖南衛視已經決定全面封殺，包括删除一切鄧紫棋在湖南台的節目，下線鄧紫棋的音樂視頻，未來的採訪通告全面拒絕，綜藝節目一律禁止，PS：台領導決定的，已然不是洪濤及歌手團隊和鄧紫棋團隊的口水戰了。」

「星扒皮」仲話，之前炒得沸沸揚揚耍大牌嘅人，的確就係宇宙巨G.E.M.，仲喺微博話：「鄧紫棋紅了以後就不知道天高地厚，以為可以在內地很大名氣了，出名後耍了多少次大牌，連把自己捧紅的湖南衛視都不放在眼裡，現在我是歌手公佈所有歌手名單，鄧紫棋和孫楠被踢出局，鄧紫棋團隊現在倒是急了，就算再紅怎麼鬥得過電視台，心態浮躁擺不正位置就不要混娛樂圈。」睇嚟今次宇宙巨G.E.M.及經理人張丹有排煩了。