大狀黨今日出第二期報紙，余若薇、吳靄儀同傑哥會再上街派報。上次訪問陳太，坊間反應都唔錯，今期嘅頭條就係政務司司長肥龍許仕仁專訪，標題就係「特區第一橋王——許仕仁為誰辛苦」。
肥龍當然為煲呔辛苦啦！佢喺訪問度話，煲呔係出咗名嘅電郵大王，每日凌晨四點就會收到佢啲e-mail，不過佢都冇要求你即刻覆佢，呢樣嘢好多政府中人都知道啦，所以同煲呔打工就同幫跨國公司做嘢一樣，差唔多二十四小時運作！
原來肥龍都諗過做大狀，佢話大學時有咁諗過，佢畢業後老竇就安排佢去間律師樓學野，但做做吓覺得律師太多文件要睇，雖然律師搵錢比較多，但既然唔係等住開飯，不如去考政府工好過，到𠵱家佢都覺得自己「寧願做官，唔做律師」係啱嘅！

傳真︰2623-9278
電郵︰[email protected]