【禁忌之林】環保少女的虛偽（林忌）
蘋果日報 2019/12/13 17:00
專欄禁忌之林通貝里林忌人物
「我對香港人好失望！真係好失望！通貝里贏了《時代雜誌》封面人物，雖然香港人輸了，點解我地咁冇品？點解要走去鬧佢？」坐在黃色消費圈飲咖啡嘅阿男，忍唔住投訴說：「我認，我知你一定鬧我係死左膠，但係香港示威者都入頭五名！都已經係階段性勝利啦！你地成日鬧內地人玻璃心，點解香港人自己都係玻璃心，唔輸得先？」
「呢點你係有道理，但係大家對佢嘅反感，唔單止係輸或者贏咁簡單。」Agnes一邊說，一邊把弄自己的長髮說：「因為香港人輸而走去鬧嗰班，真係好冇風度，但係更多人唔鍾意佢，並唔係因為香港人輸，而係事情的本質。」
Agnes指住自己面前那杯Elida Natural Geisha說：「呢種咖啡豆味道變化無窮，每個人嘅feeling都唔一樣，但當有個暴發戶因為佢貴而鍾意，Upon my observation，你班左膠就藉此上綱上線，又話飲親呢杯嘢飲嘅都係資本家，又話杯嘢飲嘅價錢，已經夠無國界醫生，在非洲助養幾十個兒童！」
阿男的面色一沉，急忙辯解說：「我雖然係環保膠，但你唔好當我係何秀蘭！我才不會因為你留一頭游蕙禎嘅長髮，就批判你洗頭浪費食水！」氣急敗壞嘅阿男繼續說：「每個人都可以盡一分力，例如唔坐的士私家車，改坐巴士港鐵；例如飲凍飲唔用飲筒；例如盡量唔開冷氣，就算開就25.5度，其實我同你都可以有好多嘢做到環保呀！」
「係呀，好似Greta Thunberg佢出席聯合國的全球暖化會議，insist唔坐飛機，要減少碳排放，最後坐帆船賽艇橫渡大西洋，嘩Genius！」Agnes坐直身軀，整理從輕井澤Outlet買回來的Blazer Jacket，眼見阿男竟聽唔明，更面有得色不住點頭，忍不住繼續說：「但係單程由英國到美國，佢坐左15日，而且為接載佢一個人，竟要派多幾個人坐飛機去New York，再載埋co-skipper（船長）坐飛機返歐洲，咁樣真係減到碳排放咩？」Agnes望住自己對Strappy Stilettos Heels，挑戰阿男說：「即係話我想去日本買多對鞋，自己唔坐飛機，但係你就飛來日本接我，咁減乜嘢carbon footprint呢？」
「即使減唔到碳排放，但係引起全世界關注，所起的作用係好大！始終得十幾歲，點解要咁樣挑剔佢呢？」阿男扯開話題，自知理虧般解說：「香港人太自我中心，環保係全世界都有責任，例如中東敘利亞戰爭嘅其中一個原因，就係全球暖化引起嘅旱災！人類要滅絕咁重要的事，為引起話題炒作一下，都無可厚非吧？」
「No，no，no！」Agnes輕搖自己的手指說：「At the very outset，個問題係你地一直都Double-Standard呀！發達國家不斷收緊環保政策，結果工廠搬晒去中國呢類國家，都唔講背後有幾多污染收收埋埋，睇唔到就當唔存在，對地球傷害仲大過以前！根據2017年的數字，單係中國一個國家，已經多過全歐盟加美國的碳排放，你要示威，點解唔來香港搵習近平？點解唔去搵普京？」
Agnes提高聲線說：「Last but not least，當發達國家因為環保令成本不斷上升，被中國貨搶晒個 market，然後再拎賺返來嘅錢買武器，搞一帶一路，去新疆搞集中營又來香港打壓我地，合理咩？」
「你班左膠一味包庇呢類獨裁專制國家，歐美出兵去掃平佢地，就話反戰，話不應干預他國內政，話無權侵略佢地，然後呢？然後就由佢地坐大搞暴政，然後就在人地講Je suis Paris，就反問點解唔關心敘利亞！」說起法國，Agnes有如自己嘅故鄉被侵犯。
阿男只能不斷重複：「我明，但係，但係，敘利亞慘情啲！」Agnes繼續噴：「敘利亞搞成咁，Why？唔係氣候，唔係咩Colonialism，係包庇暴政的中國與俄羅斯呀！我係習近平，我係普京，就捐多啲錢畀你班環保膠，最好搞到歐美工業成長癱瘓，到時冇錢，就冇腰骨去講人權，你地其實就係幫凶！」Agnes似乎氣憤難平，決定止蝕離場說：「Excuse me，Bill please！」
「呢點你係有道理，但係大家對佢嘅反感，唔單止係輸或者贏咁簡單。」Agnes一邊說，一邊把弄自己的長髮說：「因為香港人輸而走去鬧嗰班，真係好冇風度，但係更多人唔鍾意佢，並唔係因為香港人輸，而係事情的本質。」
Agnes指住自己面前那杯Elida Natural Geisha說：「呢種咖啡豆味道變化無窮，每個人嘅feeling都唔一樣，但當有個暴發戶因為佢貴而鍾意，Upon my observation，你班左膠就藉此上綱上線，又話飲親呢杯嘢飲嘅都係資本家，又話杯嘢飲嘅價錢，已經夠無國界醫生，在非洲助養幾十個兒童！」
阿男的面色一沉，急忙辯解說：「我雖然係環保膠，但你唔好當我係何秀蘭！我才不會因為你留一頭游蕙禎嘅長髮，就批判你洗頭浪費食水！」氣急敗壞嘅阿男繼續說：「每個人都可以盡一分力，例如唔坐的士私家車，改坐巴士港鐵；例如飲凍飲唔用飲筒；例如盡量唔開冷氣，就算開就25.5度，其實我同你都可以有好多嘢做到環保呀！」
「係呀，好似Greta Thunberg佢出席聯合國的全球暖化會議，insist唔坐飛機，要減少碳排放，最後坐帆船賽艇橫渡大西洋，嘩Genius！」Agnes坐直身軀，整理從輕井澤Outlet買回來的Blazer Jacket，眼見阿男竟聽唔明，更面有得色不住點頭，忍不住繼續說：「但係單程由英國到美國，佢坐左15日，而且為接載佢一個人，竟要派多幾個人坐飛機去New York，再載埋co-skipper（船長）坐飛機返歐洲，咁樣真係減到碳排放咩？」Agnes望住自己對Strappy Stilettos Heels，挑戰阿男說：「即係話我想去日本買多對鞋，自己唔坐飛機，但係你就飛來日本接我，咁減乜嘢carbon footprint呢？」
「即使減唔到碳排放，但係引起全世界關注，所起的作用係好大！始終得十幾歲，點解要咁樣挑剔佢呢？」阿男扯開話題，自知理虧般解說：「香港人太自我中心，環保係全世界都有責任，例如中東敘利亞戰爭嘅其中一個原因，就係全球暖化引起嘅旱災！人類要滅絕咁重要的事，為引起話題炒作一下，都無可厚非吧？」
「No，no，no！」Agnes輕搖自己的手指說：「At the very outset，個問題係你地一直都Double-Standard呀！發達國家不斷收緊環保政策，結果工廠搬晒去中國呢類國家，都唔講背後有幾多污染收收埋埋，睇唔到就當唔存在，對地球傷害仲大過以前！根據2017年的數字，單係中國一個國家，已經多過全歐盟加美國的碳排放，你要示威，點解唔來香港搵習近平？點解唔去搵普京？」
Agnes提高聲線說：「Last but not least，當發達國家因為環保令成本不斷上升，被中國貨搶晒個 market，然後再拎賺返來嘅錢買武器，搞一帶一路，去新疆搞集中營又來香港打壓我地，合理咩？」
「你班左膠一味包庇呢類獨裁專制國家，歐美出兵去掃平佢地，就話反戰，話不應干預他國內政，話無權侵略佢地，然後呢？然後就由佢地坐大搞暴政，然後就在人地講Je suis Paris，就反問點解唔關心敘利亞！」說起法國，Agnes有如自己嘅故鄉被侵犯。
阿男只能不斷重複：「我明，但係，但係，敘利亞慘情啲！」Agnes繼續噴：「敘利亞搞成咁，Why？唔係氣候，唔係咩Colonialism，係包庇暴政的中國與俄羅斯呀！我係習近平，我係普京，就捐多啲錢畀你班環保膠，最好搞到歐美工業成長癱瘓，到時冇錢，就冇腰骨去講人權，你地其實就係幫凶！」Agnes似乎氣憤難平，決定止蝕離場說：「Excuse me，Bill please！」