翻查紀錄，今季潘頓與大摩合作勝出率高達47%，上名率六成，當然可以話「美麗傳承」已經佔五場頭馬，但月初勝出「信心保證」，確認潘頓能人所不能的威力，明晚（13日）第四場「活力勇士」及五場「合拍威龍」兩駒合作，值得重視。

第一場四班1000米：「衝亞」五短身材，但鬥心強悍，查外地紀錄，周歲價13萬澳元，兩歲初試第一課閘大敗，試第二課閘即砌底來港後一出即勝的「舞士精神」，已經極具指標性，之後再隔十日試1045米閘跑第二。

「衝亞」來港後再有三課大閘，先試直路八百米，造46秒73輕勝，只比同日另一組高班馬「首映」慢0.53秒，第二課便渡江試1200米閘，直路稍稍鬆住走貫注到尾跑第二。

「衝亞」最後一課試泥閘，刻意跟馬群留前鬥後，只輸106分「有理共想」個半馬位。唔擔心今戰排11檔，因出閘有段長直路可以搶入二疊之二三位，放心捧場。

-----------------------------------------
10萬蚊 100人分！
星期一至五晚上10點半
《動腦Q》Let's Q the money！
http://bit.ly/2QW8LcI