很喜歡楚原導演的金句，任何人幾風光、幾失意，第二朝天光一樣要起身生活，明天總比昨天好，呢個就係人生！

用來參透人生，或者比喻一些事物，勉勵年青人最佳金句，娛樂圈跟馬圈有很多相似地方，在報紙排版上分別排序C1和D1，就證明市場價值。

近日馬圈熱話一定係新練馬師丁冠豪省靚招牌；正負兩極，就自然提到上手練馬師如何不濟，在跟紅頂白的馬圈，人旺大肆追捧，運滯難免踩多兩腳，倒不如做好自己，第二朝瞓醒重新出發。

在充斥是非的馬圈，能夠捱得過低潮期非常重要，高伯新自從早幾年一連串負面新聞影響，成績一落千丈，今季重新振作，剛周三（12日）憑「鵲橋飛渡」、「贏科超影」起孖，終於為今季打響頭炮，經過幾年低潮，今年感覺谷底反彈。

記得早兩季睇晨操，總會話高廐馬有問題，跳一課、唞兩日，馬匹健康有問號，但今季情況改善，操練完整，馬匹受操，反映健康正常，全賴上下齊心，馬房團隊功不可沒。

正所謂第二朝瞓醒又要重新出發，昨天成功，並不代表明天會一樣，切忌懷緬過去，一定要繼續努力，重新攀上高位，指日可待！