民主黨立法會議員、本身為律師的涂謹申憶述1984年於律政署做暑期工時，其師傅坐在艾勤賢房間隔離，後來艾勤賢轉至私人執業，雙方交往不多，但艾勤賢04年捲入妨礙司法公正案一度被判監時，涂曾在他判監首日前往探望，「第一日我就去咗個監到探佢，佢都好奇怪點解我會嚟？我就話：『見到呢件嘢唔公道，所以去探監』」，他指對方向他申訴對司法制度不滿，「咁都俾人告」，說畢兩人一齊落淚。

涂謹申引述艾勤賢當時曾指，放監後重投社會，未必會再做大律師，「咁我話：『有正義感嘅大律師、堅持法治嘅大律師唔係好多』，你係咁Senior，有時啲重要case都係靠你打，我做晚輩，只能講一句：『重新諗一諗』。後尾佢出返嚟（最終艾勤賢上訴得直改判無罪），我就好開心。」

涂謹申指，欣賞艾勤賢堅持執行法律公正，指對方不時廉署及警方「打對台」，「相信呢兩邊唔鍾意佢，但佢喺律政署出嚟，變咗好熟裡面啲嘢，唔公正嘅嘢都揭發出來。」他也讚艾勤賢為人「好nice」；早前更協助內地女子唐琳玲，「證明佢好肯幫人，無厘頭（有人）行過去佢都肯幫，（可能）知道（對方）搵唔到律師就肯幫，我諗佢當時都係諗住幫個court，唔好拖咁耐。」