外籍騎師中，邊個值得攞勤工獎？唔使講一定係年僅23歲的澳洲小鮮肉祈普敦。

這天祈普敦在沙田馬場晨課共操了多駒，除了賀賢馬房「誰不羨」外，其他出試馬均來自大摩，儼如大摩馬房主帥，當中包括三匹祈普敦周日(18日)沙田賽事座騎「勝利專家」、「靚加加」及「多紅利」。

以上三匹戰馬之中，最值得重視當然係第四場四班1650米泥地的「靚加加」，這匹長腿年輕女馬主史佩加愛駒，出自2016年香港馬匹拍賣會，身價350萬港元，本來一直表現麻麻，直至上仗初跑泥地，角逐此程一哩，即在祈普敦胯下取得處女勝利，明顯找到真正合適出路。

今次「靚加加」出王牌再報爭勝途，當然鬥志十足，此駒勝後只加了5分，留在四班負124磅，對4歲質新馬而言，談不上壓力，累積獎金僅66萬，馬主未有耐回本，一定搏甩髀。