「880蚊廣州攞牌、廣州驗身，如果畀多200蚊，乜都唔使做，我哋包晒。」號稱換領中國車牌（駕駛執照）全港最平的「林駒駕駛學校」，位於旺角西洋菜街分校的女職員，積極游說上門查詢代辦內地駕駛證的記者，幫襯該分校的「一條龍」辦證服務。

上周五早上，記者根據報章上的廣告，前往該校位於旺角西洋菜街百寶利商業中心的分校，其中一名20餘歲的女職員，游說記者報一個收費1,080元的「套餐」，「呢個價錢全部包晒，如果唔係，你要上大陸攞牌，最麻煩要驗身，驗呢樣驗嗰樣、仲要抽埋血，畀多200蚊，來回搭車都唔只啦。」
記者問若沒有車牌可否辦理時，她想也不想說：「5,000蚊，乜牌都唔使，一般3個禮拜，快嘅10日，包搞掂。」其間，她似乎見到記者質疑的眼光，隨即補充說：「家內地法例放寬咗。」
當記者表示辦到的會否是假證時，她面露不悅地從抽屜內取出一張內地的「機動車駕駛證」，放在記者面前說：「呢啲證都係廣州市公安局交通警察支隊車輛管理所發嘅，你睇呢個印章。」
記者表示要再考慮一下後離開，但來到附近一個掛着「林駒駕駛學校」招牌的易拉架攤檔，推銷員游說記者申請內地駕駛證，無香港車牌一樣可以，收費4,800元，較旺角分校便宜200元。

當天下午，記者再往百寶利商業中心分校，並且表露身份，指有市民稱在該校領取假的內地駕駛證。同樣是該位女職員，臉色一變說：「因為我哋負責人唔係度，我唔可以代表公司回應任何問題。」
記者表示，她可否將早上曾經拿出來展示的駕駛證，教記者怎樣分辨真假，她隨即說：「呢啲係客人嘅私隱，我又點可以畀你睇呢？」
本報記者