甄子丹主演嘅電影《葉問3》就嚟有得睇，佢套戲嘅電影片段前日放咗上網，因為今集搵咗前世界重量級拳王泰臣（MikeTyson）客串，戲裏面會用西洋拳同子丹埋身肉搏。

因為泰臣關係，呢條宣傳片喺啲外國網站引到好多外國影迷留言，識睇梗係睇留言，外國網友嘅留言抵死度唔弱過高登仔，有網友話：「Itseemslikeashiteparodyfilm」(睇嚟好似一部搞笑片)、「ThisisTHEGREATEST!Likeathrowbackto《Bloodsport》(拳霸天下)」(《葉問3》係最好，好似重溫《拳霸天下》)、亦有網友話泰臣「應該畀葉問睇，佢點樣可以同25個女仔造愛」、再簡單直接嘅就係單字一個「SHITE(shit)」「妖」。

啲網友都鬧得咁勁同取笑，相信同佢哋覺得泰臣去拍合拍片係降格有關，話晒佢都係一代拳王嘛。網友仲將一套曾經畀美國娛樂周刊《EntertainmetWeekly》網頁選為「你最喜愛的20齣動作爛片」之一嘅《拳霸天下》相題並論。呢套1988嘅作品喺香港取景，故仔講九龍城寨每5年會有一個武林搏鬥大會，演出嘅有尚格雲頓（Jean-ClaudeVanDamme）。