尊尼事務所多年來都嚴禁藝人肖像於網上公開，點知LINE就偏偏起用木村拓哉擔任代言人，仲宣佈推出一系列有木村唔同表情嘅貼圖，今日主角就拖住熊大現身記者會。

對於木村推出LINE貼圖於當地上架，日本傳媒今日都有大事報道，正當坊間以為尊尼事務所終於對旗下藝人肖像於網絡開綠燈，點知發言人就直指呢啲只係「LINE貼圖」，並唔係一般相片，意思即係尊尼嘅方向都係冇變。講番今日記招，木村以師兄身份談起新婚嘅V6成員岡田准一，除咗恭喜一對新人外，木村仲話原來岡田同宮崎葵註冊結婚前，曾收到岡田透過LINE報喜，木村收到消息後立即傳咗LINE嘅祝賀貼圖俾岡田，身為代言人嘅木村乘賣廣告。

更多娛聞，喺晒《娛果》
http://fb.com/appledailyent