當年今日

歲半習美語學法文
琦琦填鴨訓練囡囡

蘋果日報 2006/07/25 08:00


名模琦琦與任達華的女兒晴佳(Ella)現年一歲半,兩人視女兒如珠如寶,不惜花費大量金錢培育女兒,琦琦接受訪問時說:「我最希望Ella可以識多國語言,𠵱家佢一個禮拜要返六日playgroup、學兩堂法文。」
琦琦續說:「之前老公個髮型師介紹咗一套迪士尼美語世界嘅學習消閒DVD畀我哋,話小朋友可以一邊娛樂睇卡通一邊學習,雖然要成四萬九千蚊,但我哋發覺效果好好,Ella𠵱家已經識晒A-Z26個英文字母,見我着啲名牌衫好似D&G,都識得指住講,同埋佢返playgroup同大個佢年幾兩年嘅小朋友都溝通得好好。」
問琦琦一下子要年僅歲半的囡囡學習這麼多,如填鴨式教育般,不怕囡囡消化不來嗎?她說:「唔會噃,我好認同三歲定八十呢句說話,就係等佢細個乜都唔識,就乜嘢都畀佢知畀佢見,好似好多人話唔好睇電視撈飯,我反而一邊播隻DVD畀佢睇,咁食飯就一定唔會扭計,臨瞓播啲卡通節目佢睇,佢又會快啲瞓着㖭。
「上次帶囡囡去上海,我帶佢去動物園同水族館,佢見到熊貓同魚即刻識講panda同fish,我聽到真係好開心。其實我𠵱家咁早開始培育個女,唔係想佢第時一定要做乜嘢職業,只係想佢見多啲、睇多啲啫。」
採訪:DebbieLum