【本報訊】租金上升，全城躁底，「姐姐仔」與民同當災，今天勞動節要和其他打工仔齊齊上街。有姐姐仔指，近年租金大幅增加，扣除月經及身體不適的日子，要「日做夜做」才夠交租，加上俗稱「馬檻」的集團色情場所式微，以及無證鳳姐加入轉戰「一樓一」，令競爭加劇，昔日排隊幫襯的場面不復見，客人要求也越來越刁鑽，行內叫苦連天。

客人性虐要求增

談起近年行內的轉變，Yoyo總結：「辛苦咗、客少咗、態度差咗」，「啲人大力拍門，你唔應門就係咁扭個鎖，又要求多多，以前啲客邊有咁多嘢㗎，入嚟沖涼、除衫、戴套，就做㗎啦，邊有𠵱家咁多要求」。除了不用安全套、各式口交外，扼頸、按口等可致命的性虐要求越來越多。另外，她指2009年時租用的單位租金8,500元，現時增至15,000元，每次收費由500元增至600元，「以前一日接一個客就夠生活，𠵱家接一個客只係夠交租，仲要多數冇貼士」。
關注性工作者權益組織青鳥行政總監嚴潔心指，今日鳳姐上街，除了爭取警方執法不要「Hea」外，亦爭取重新檢視依靠他人賣淫的收入維生的法例，以免業主墮入法網，令姐姐仔可以名正言順租用地方，毋須經多重中間人，被迫捱貴租。
■記者張嘉雯