當年今日
關於我們

【回家愛撒嬌】曉明唔止想娶Baby 仲想生個「猴Baby」?

蘋果日報 2015/04/14 06:00

蘋果回家baby即時撒嬌曉明唔止猴Baby

內地當家小生黃曉明今年揚言想娶女友Angelababy(楊穎),不過講咗咁耐,只係見佢哋展開咗同居生活,未見曉明有咩求婚行動。

噚日男友黃曉明以主演、監製、投資人身份,出席西安電子科技大學宣傳新片《何以笙簫默》,整個禮堂逼滿fans,當時曉明又被內地傳媒問佢係唔係今年會娶Baby,曉明直言:「不變的話,我今年一定會娶她。」之後有學生叫曉明「生個猴寶寶」,曉明亦高興咁跟對方講一次,睇嚟佢都想生BB。

據內地報道指,由於新片係講大學戀情,嚟到校園,自然勾起曉明對愛情嘅睇法,曉明坦言:「很多男人成功都是因為女人,我初戀失敗才激勵了現在的成功。」有學生大叫:「趙薇!」曉明即笑言:「我還沒說呢,你們就喊。」不過,大學學生都想咗氛關於「Baby」嘅禮物畀曉明,就係送出聲控小夜燈,對住台燈講「曉明」就會著燈,再對燈叫一聲「Baby,晚安」,燈就自動熄咗,對台燈叫其他名都唔會有反應,曉明玩咗陣,就不自覺露出幸福嘅笑容。

被問喺戲中兩位主角分別7年又重新走埋一齊,曉明信唔信有呢種愛情,曉明表示自己都贊同,佢續言:「就是因為喜歡才選擇來演,我也希望自己做這樣的男人,但我不允許自己等七年,更不希望讓心愛的女人等我七年。我也是經歷過一個階段才有現在的體悟。其實我也有特別脆弱的時候,也會覺得很累,回到家也會想要撒嬌,也需要她給我『心靈雞湯』。」

問及女友楊穎喺戲中演「何以玫」一角,又一直暗戀「曉明」卻得唔到,黃曉明強調:「一開始我也擔心觀眾會『跳戲』,但想來想去,我跟楊冪都覺得還是baby最合適演。」不過為咗避免尷尬,曉明同楊冪演親熱戲嘅時候,Baby要肯定唔喺現場,佢同其他演員演,曉明亦唔會喺度。曉明更大爆自己同Baby對戲,自己就成日「跳戲」,因為曉明喺戲中要演唔愛Baby,仲話第日如果片酬同劇本合適會搵女友一齊拍。