【新增相片及內容】
韓劇《任意依戀》、《Entourage》嘅36歲男星金基邦，今日做老襯，娶網上購物網站嘅CEO金熙京，金基邦喺圈中有唔少好友，好似最老友嘅趙寅成，仲因為趙寅成關係而同李光洙、宋仲基等人都好老友。

今日金基邦就喺首爾嘅Grand Hyatt行禮，光洙同趙寅成就擔任婚禮嘅MC，光洙就現身畀傳媒拍照，而趙寅成則秘密入場，而之後網上亦終於有趙寅成嘅正面樣，只見佢喺現場好興奮，仲攬住新娘影相。

至於下月做人夫嘅宋仲基雖然已返韓，但由於婚禮非公開形式進行，直到賓客影大合照都唔見宋仲基，唔知佢最終有冇現身婚宴。而其他到場嘉賓仲有車太鉉、朴寶英、李聖經、D.O.、珉豪、尹鐘信、朴詩妍等人。