星期日雷雨豪情，千幾人冒雨上街悼念六四，當中包括十幾年陰晴無間嘅古思堯，同埋四五行動舵手梁國雄。八方受阿古委託，鄭重澄清佢嘅身世：「我唔係四五行動成員。」
有傳媒一直誤會阿古係四五行動成員，錯足十幾年。阿古話特登澄清唔係要同長毛劃清界線，亦唔係反對佢哋嘅理念，冇加入嘅理由只有一個，「我最憎人遲到。」話說阿古當年喺船廠打工，曾經因為遲到半小時而冇咗單job；另一次，鍾意跳舞嘅佢，差啲因為遲到而躭誤去日本跳舞比賽嘅行程。偏偏香港社運人士例遲，阿古冇法子同佢哋合作。