南非騎師利敬國今季暫時贏得26場頭馬，而最近利敬國所贏的兩場頭馬，包括「開心好玩」及「小米周」皆出自沈集成馬房，而且兩駒的賠率分別是66倍及35倍，賠率可觀。

今晚（5日）這對利敬國及沈集成這對騎練一共合作兩匹馬，分別是出戰第二場五班1650米的「上旺財上」，以及第八場二班1800米的「快益善」。

其中，四歲澳洲自購新馬「上旺財上」，由去年11月28日開始，連續五場賽事取得一冠三亞。

此駒近三仗皆無功而還，除可能是一輪連拼後需要回氣外，本身近兩仗抽檔運都一般，分別抽得8檔及11檔出閘，加上同場快馬都甚多，在互相鬥搶下的情況下，難免對放頭跑的「上旺財上」不利。

今次「上旺財上」雖然再次抽得外檔11檔起步，但同場快馬不多，相信以其前速絕對可以埋欄順放，際遇應比早兩場好得多。

大家應該仍記得利敬國騎「開心好玩」及「小米周」，皆是由頭放到尾爆大冷，今次利敬國騎「上旺財上」大可照辦煮碗，假如此駒放得順，要走入一席甚至贏馬而回也絕不出奇。

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX