【無法無天】老婆被塞恐嚇字條 阮民安堅拒報警：聽日SOGO我一定去
蘋果日報 2020/06/30 21:16
恐嚇阮民安張倚雯
人大今早表決通過「港版國安法」，以白色恐怖強行打壓香港市民爭取民主自由，然而社會上早已瀰漫着越來越猖獗的白色恐怖，當中除了高調支持香港人爭取自由的「黃店」一直被不同勢力人士打壓外，曾為港人發聲的演藝界別人士亦因名氣成為各大勢力的眼中釘。曾多次高調參與遊行、多次表明支持「反送中」抗爭者的歌手阮民安（Tommy）與其KOL老婆張倚雯（Eva）今日收到白紙紅字的恐嚇字條，揚言「見到你斬X你」。
Tommy於晚上在其社交平台解釋事件經過：「啱啱同Eva分開左唔夠5分鐘，我要去做嘢，佢就返屋企！佢差唔多去到屋企樓下商場，有個男人好大力推咗佢一下，大陸口音，之後叫佢俾呢紙我！嚇到佢喊咁濟（滯）！」由於事件發生得太突然，而且對方針對Tommy的太太下手，令到Tommy怒不可遏，文章中參雜不少粗口，「好彩今日冇帶小朋友，唔係後果不堪設想！仆你個街，你班藍絲狗要搞就下次見X到我，唔好淨係拍我，真係郁手打X我！依家去嚇個女人做乜X！！！」
鑑於社會氣氛漸趨緊張，Tommy表示會加強保安，以家人安危為優先，又表示：「狗（香港警察）我就唔會報㗎啦，因為報嚟係把X！但係聽日SOGO我就一定去！藍絲狗，記X得見到我要斬我呀！我未驚過呀！X頭！！！手足，聽日2點，SOGO見！」
《蘋果》向Tommy了解情況，他回覆道：「係呀！頭先下晝去完和你lunch，之後返嚟同Eva一齊幫香港加油袋影官方相，影完之後，我哋就去食嘢，因為我要去做嘢，所以Eva就返屋企先，點知去到屋企附近個商場，突然走個大陸口音男人出嚟，勁大力推佢，叫佢畀張紙我！黐X線！平時Eva一定帶住細佬，但因為今日要影相，所以婆婆帶走晒小朋友，如果唔係真係唔知點算！而最慘今時今日嘅香港，報警已經變成最危險嘅事，所以我一定要強身健體，自救，同埋可能真係要請工人睇住屋企人！真係想像唔到聽日之後嘅香港會變成點，但我一定會同大家同行，點都唔會縮！」
歌手阮民安一家四口一直支持爭取民主自由。（資料圖片）
阮民安認為報警無用，又興幸今日剛好冇帶小朋友出街。（資料圖片）
Tommy表示今日與老婆拍攝後出事。（受訪者提供圖片）