韓國天團BIGBANG嘅隊長G-DRAGON(GD)早前展開佢個人世界巡迴演唱會《G DRAGON 2017 CONCERT ACT III, M.O.T.T.E》，今晚同聽晚就會喺澳門開唱，早前GD所屬嘅YG事務所就率先公佈各地點嘅日期，當中包括6月24及25號喺新加坡、7月7及8號喺曼谷、7月11號喺西雅圖、7月14號喺聖荷西、7月16號喺LA；7月19號喺侯斯敦、7月21號喺芝加哥、7月25號喺邁阿密、7月27號喺紐約、7月30號喺多倫多、8月5號喺悉尼、8月8號喺布里斯本、8月12號喺墨爾本、8月16號喺奧克蘭、8月19號喺福岡、8月22及23號喺大阪、9月19及20號東京。

而今日YG就再度公開亞洲地方將增加七場，當中之前榜上冇名嘅香港終於上榜，根據YG公佈香港站將於8月25及26號於亞博館舉行，而9月1號就會到馬尼拉，9月3號就會喺雅加達，9月16號喺吉隆玻，至於台灣站就將會喺10月7及8號舉行，睇嚟GD下半年真係冇得唞，為世巡周圍飛。